တစ္ဆေအခြောက် ခံနေရသည်
-----
ထိုင်ခုံသုံးလုံးကိုစီကာ ကုတင်ပုံသဏ္ဍာန်ပြင်စဉ်လိုက်၏ ။ စင်ပေါ်၌ရှိသော ခြုံစောင်တစ်ထည်ကိုအောက်၌ ခင်းလိုက်သည်ရှိသော် မွေ့ယာပုံစံဖြစ်လျက် အပေါ်က နောက်ထပ် ခြုံစောင်တစ်ခုကို ယူခြုံလိုက်လျှင်ပင် အလွန်ဇိမ်ကျလှသော အိပ့်ယာကုတင် ဖြစ်သွားလေတော့၏ ။ အိမ်၌ အိပ့်ရသည်မှာ ဤမျှ ဇိမ်မကျလှ ။ အောက်တွင် မြက်ဖျာကိုခင်းကာ ခေါင်းအုံးတစ်ခုရှိက ကျောတစ်လျောက်လုံး နာနာကျင်ကျင်နှင့်ပင် အိပ့်ခဲ့ရလေ၏ ။
ယခုလို အလုပ်မှ ပစ္စည်းသိုလှောင်သည့်စတိုအခန်း၌ အဲကွန်းလေးဖွင့်ကာ ဇိမ်ကျကျအိပ့်ရသည်မှာ ကျွန်တော့်အတွက် အလွန်မှ နှစ်သက်စရာကောင်းသော အရသာတစ်မျိုး ဖြစ်နေလေတော့၏ ။ ထို့ကြောင့် အချိန်ပိုဆင်းရသည့်အခါ ပြန်ရန် ဘ(စ်)ကားမရှိတော့သဖြင့် ကျွန်တော်တို့ဌာနပစ္စည်းသိုလှောင်ခန်း၌ အိပ့်နို်င်ရန် ခွင့်ပြုထားသော အထက်လူကြီးတွေကိုပင် စိတ်မှ ကြိတ်ကာ ကျေးဇူးတင်မိလေသည် ။ တစ်ခြားအလုပ်တွင် ဤကဲ့သို့ နေရမည်လော ။ ထို့ကြောင့် အချိန်ပို ဆင်းပေးခြင်းပင် ကျွန်တော့်အတွက် အလွန်မှ ဇိမ်ကျလှသော တစ်ရက်တာ အိပ့်စက်ခွင့်ကို ရနေလေတော့၏ ။
ဤသို့ အချိန်အခါမျိုးရခဲ့သော်လည်း ကောင်းစွာ အိပ့်စက်နိုင်ခြင်းမရှိသေးခင် လက်ကို နဖူးပေါ်တင်ကာ ရှေ့ရေးအတွက် တစ်ဖန် စဉ်းစားရပြန်လေသည် ။ ကိုယ်ပိုင် …… ကိုယ်ပိုင် ။ ဘယ်အချိန်မှ ကိုယ်ပိုင်လုပ်ငန်းလေးကိုလုပ်ကိုင်နိုင်ပါမည်နည်း ။ သြော် … လောကကြီး … တယ်ခက်လှပါတကား ။ အေးလေ …… ဒီလိုခက်ခဲ့မှလဲ လောကကြီးပီသတော့မှာပေါ့ ။
ထိုထိုအတွေးများ တစ်ယောက်တည်းကြိတ်ကာ မေးလိုက် ဖြေလိုက် လုပ်နေမိလေသည် ။ အချိန်အတော်ကြာသော် စတိုခန်း၏ တံခါးဖွင့်သံကြားရ၏ ။ ခါတိုင်းနေ့တွေဆို သူခိုးဟု ထင်ယောင်မိမည်ဖြစ်သော်လည်း ဒီနေ့တွက်တော့ ထိုသို့မထင် ။ အကြောင်းမှာ ကျွန်တော်နှင့်အတူ လက်အောက်ဝန်ထမ်း နောက်ထပ်တစ်ယောက်ပါ အချိန်ပိုဆင်းရသောကြောင့် အိပ့်ရန် စတိုခန်းအတွင်း ဝင်ရောက်လာခြင်းတာဖြစ်သည်ကို သိနေသောကြောင့်တည်း ။ သူလည် ဒီစတိုခန်း၌ အိပ့်စက်မည်ဖြစ်သောကြောင့် ကျဉ်းကြပ်လျက်ရှိသည့် နေရာအကြားမှ ကြမ်းတွင် စောင်ကိုခင်းကာ အပေါ်က ခေါင်းအုံးချ ခြုံစောင်တစ်ခုကို ဖုံးလိုက်လျှင်ပင် သူ့အတွက် နေရာတစ်ခုရပြန်လေပြီ ။
ကျွန်တော်ကတော့ ခုံသုံးလုံးဆက်ထားသောကြောင့် ကုတင်သဏ္ဍာန်ရှိုပြီး သူကတော့ ကြမ်းပေါ်တွင် အိပ့်နေရလေ၏ ။ စိတ်ထဲ၌ မသိုမသန့်ဖြစ်ကာ " ကောင်လေး … မင်းဘေးမှာရှိတဲ့ ထိုင်ခုံတွေကို စီပြီး အိပ့်ပါလား" ဟု ပြောလိုက်လေ၏ ။ " ဟုတ်ကဲ့အကို ကျွန်တော်ဒီထိုင်ခုံတွေနဲ့ မအိပ့်တက်လို့ပါ ။ ဒီအတိုင်းက ကောင်းပါတယ် " ဟု ပြန်ဖြေလေသည် ။
ထိုအခါ ကျွန်တော်လည်း ဘာမှဆက်မပြောတော့ပဲ အတွေးတို့ကို ထပ်မံ နယ်ချဲ့မိနေပြန်တော့သည် ။ တိတ်ဆိတ်မှုသည် အနည်းငယ်ကြာပြီးသော် ထိုသူငယ်က " အစ်ကို … လောကကြီးက တယ်ခက်ပါလားနော် " ဟု ဆိုလေသောအခါ ကျွန်တော်၏ အတွေးနှင့် ထပ်တူကျနေသည်ဖြစ်သောကြောင့် အလွန်မှ စိတ်ဝင်စားမှုရှိကာ ထိုသူငယ်လေးထံ တစ်ချက် စောင်းကြည့်မိလေတော့၏ ။
ဟုတ်တယ်ညီလေး … ဘယ်လိုမှ အဖြေရှာမရနိုင်တဲ့ လောကကြီးပဲ ။
လူတွေဒီလောက်တောင်များတာ ဘာဖြစ်လို့ ကျွန်တော်တို့လို လူတွေကိုပဲ ဘုရားက အပြစ်ပေးရတာလဲမသိဘူး ။
လောကကြီးက ပဟေဠိဆန်ပါတယ်ကွာ ။ အရာအားလုံးကို ဘုရာသခင်က ဖန်ဆင်းပေးနိုင်သော်လည်း ဘယ်အရာမှ တစ်သက်မှတ်တည်း မရှိနိုင်ခြင်းကြောင့် သူဟာ လူသားအားလုံးကို မြင်နိုင်စွမ်းရှိမှာမဟုတ်ဘူး ။အခြားသူတွေကောင်းစားနေတာဟာ ဘုရားသခင်ရဲ့ အရိပ့်အောက်မှာ ကျရောက်နေလို့ ဖြစ်မယ်နဲ့တူတယ်ညီရာ …။
အဆန်းတော့အဆန်းသားဗျ ။ ဘယ်တော့မှ အလုပ်မလုပ်ဘဲ နေတဲ့သူတွေမှာ အေးအေးလူလူနဲ့ ရှိနေကြတယ်နော် ။
သူတို့လဲ သူတို့အပူတော့ ရှိမှာပေါ့ကွာ ။ လောကကြီးက အဲ့ဒီ့လောက်မလွယ်ဘူးကွ ။
ဟုတ်တယ် အကိုရ ။ ကိုယ့်အားကိုယ်ကိုးမှ အလုပ်ဖြစ်မှာပေါ့ ။
အလုပ်လုပ်မှလဲ စားရမယ် ။ စားရမှလဲ အသက်ရှင်နိုင်မယ် ။ အသက်ရှင်မှလဲ အလုပ်လုပ်နိုင်မယ်။ ငါတို့ဘဝကြီးဟာ စားလိုက် အိပ့်လိုက် အလုပ်လုပ်လိုက်နဲ့ တော်တော်တော့ စည်းချက်ညီနေသားပဲ ။
စည်းချက်ပဲညီတာ ဘယ်မှာကြီးပွားလို့လဲ ။ မနက်ရောက် အလုပ်ဝင် ။ ညနေရောက် အိပ့်ယာဝင် ။ တစ်နေ့ တစ်နေ့နဲ့ လုံးလည်ခြာလည်လိုက်နေလိုက်တာ လကုန်ကျတော့ ဘယ်မှာလက်ထဲ ပိုက်ဆံကျန်တော့လို့လဲ ။
ကျွန်တော်လည်း ကျိုးစားပြီး စုကြည့်ပါသေးတယ် ။ ကိစ္စတွေက တစ်ခါတည်းပျက်သွားတာမဟုတ်ဘူးဗျ ။ ပိုက်ဆံက လိုချင်တပ်မက်မှုကို ခေါ်ခေါ်လာသလိုပဲ ။ လက်ထဲ နည်းနည်းရှိရင် တစ်ခုခုကို ဝယ်ချင်နေပြန်ရော ။
ညီလေးက စုကြည့်ဖို့ ငွေထွက်သေးတယ် ။ မဝယ်မိအောင်ထိန်းနိုင်ရင် လက်ထဲကပ်အုန်းမယ် ။ အစ်ကိုဆို လစာထုတ်တာနဲ့ တစ်ပြားမှ မကျန်ဘူး ။ အကြွေးတွေပေးဆပ်လိုက်လို့ ကုန်တာပဲ ။
ကျွန်တော်လဲ အကိုနဲ့မခြားပါဘူးဗျ ။ ဒါပေမယ့် အကြွေးတွေကို အတိုးလောက်ပဲဆပ်ပြီး သိမ်းကြည့်မိတာပါ ။ အမလေးးး … မရပါဘူး မရပါဘူး ။ ပိုလို့တောင် အကြွေးတက်သေး ။
မင်းနဲ့ငါကတော့ ဘဝတူတွေနဲ့တူတယ် ။ ငါလဲ အဲ့ဒီလို လုပ်ကြည့်ဖူးတယ် ။
အခုအခြေအနေတိုင်းသွားမယ်ဆိုရင်တော့ ကိစ္စမရှိဘူးပေါ့ ။ ဒီအလုပ်မကောင်း နောက်အလုပ်ပြောင်းနဲ့ ဟန်မှာပဲ ။ ဒါပေမယ့် အိမ်ထောင်တွေကျလာတဲ့အခါ အသက်တွေကြီးရင့်လာတဲ့အခါ ဘယ့်နဲ့လုပ်ကြမလဲ ။
ငါတော့ ဘိုးဘွားရိပ့်သာကိုသာ မျက်လုံးမှာ မြင်ယောင်မိလေရဲ့ ။
ရှေ့ရေး နောက်ရေးတွေက စဉ်းစားရင် တယ်လဲ ကြောက်စရာကြီးနော် ။
ဟုတ်တယ်ညီလေးရာ ။ ချမ်းသာတဲ့သူတွေအတွက်တော့ ဘာပြောကောင်းမလဲ ။ သူတို့အတွက် ဇိမ်ပဲပေါ့ ။ အခုဆို မနက်အိမ်ပြန်ရောက်ရင် အကြွေးအတွက် အတိုးသွားသတ်ရအုန်းမယ် ။
ချမ်းသာတဲ့လူတိုင်းလဲ ဇိမ်ကျလိမ့်မယ်မထင်ဘူးဗျ ။ ဒီပိုက်ဆံအတွက်ကို သူတို့လဲ ပူပန်နေရမှာပဲ ။ လူကြီးတွေပြောတဲ့ ကျားကြီး ခြေရာကြီးဆိုသလိုပေါ့ ။
အေးကွာ … ပိုက်ဆံ ပိုက်ဆံ ။ လူတွေကို တယ်ဒုက္ခပေးတဲ့ ပိုက်ဆံပဲ ။
ပိုက်ဆံမရှာပဲ နေကြည့်ဖူးလား ။
ပိုက်ဆံမရှာပဲနေကြည့်ရင် ငတ်သေရုံကလွှဲလို့ ဘာရမှာလဲ ။
ဟုတ်တယ်ဗျာ ။ ကျွန်တော်တို့ အဓိကက စားဖို့ သောက်ဖို့နဲ့ နေဖို့ထိုင်ဖို့ပဲ ။ ဘာကြောင့် ဒီ့ထပ်ပိုပြီး လိုချင်မှုတွေရှိနေတာလဲ မသိဘူး ။
လူ့အသိုင်းအဝိုင်းမှာနေရင်တော့ ဒီလိုပဲရှိမှာပဲ ။
ဗိုက်ပြည့်တဲ့အချိန်ကျရင်တော့ စားဖို့ သောက်ဖို့အတွက် မစဉ်းစားဘူး ။
အေး … ဗိုက်ဆာရင်တော့လား ။ အလုပ်လုပ်တာဟာ စားဖို့အတွက်လို့ ဆိုမိလေသေးရဲ့ ။
ဒါနဲ့ အကို မချမ်းသာချင်ဘူးလား ။
ဟ … ဘယ်လိုပြောလိုက်တာလဲ ချမ်းသာချင်တာပေါ့ကွ ။
ကျွန်တော်လည်း ချမ်းတော့ ချမ်းသာချင်ပါတယ် ။ ဒါပေမယ့် ဒီလိုပစ္စည်းဥစ္စာတွေအတွတ် ပူပန်နေရတာတော့ မလိုချင်ဘူး ။
အေးကွာ ။ ငါလဲ ချမ်းပဲ ချမ်းသာချင်တာ ။ ဒီ့ထပ် ပူပန်နေရမယ်ဆိုရင်တော့ ငါလည်း မချမ်းသာချင်ဘူး ။
တို့အခုလို တွေးတောနေလို့ အချိန်တွေ ကုန်ဆုံးခဲ့ရတယ် ။ စိတ်တွေ ပင်ပန်းနေခဲ့ရတယ် ။
တစ်ချို့တွေတော့ အိပ့်ကောင်းနေကြတယ်လေ ။
ချမ်းသာတဲ့သူတွေဖြစ်မှာပါ ။
ဆင်းရဲတဲ့သူတွေလဲ ပါမှာပေါ့ ။
အခုအချိန်တာ သေသွားရင်တော့ လူ့ပြည်ဟာ ပျော်စရာကြီးဆိုတဲ့စကားဟာ ငါတို့အတွက် ဘာအနှစ်သာရမှမရှိပဲ ဖြစ်တော့မယ် ။
နေတက်သလိုနေပါဆိုသလိုပေါ့ ။ နေတက်သလိုပဲ နေရတော့မယ် ။
တို့တွေသာ ဒီလောက်ပူပန်နေတာ လမ်းဘေးမှာနေတဲ့သူတွေ သူတောင်းစားတွေဆိုရင်တော့ အဘယ်မှာ ပြောကောင်းတော့မှာလဲ ။
ဟူးးး …… တယ်လဲ ကြောက်စရာကောင်းပါ့ဗျာ ။ လူဖြစ်ရတာဟာ တကယ်ကို အဆင်းရဲကြီး ဆင်းရဲတာပဲ ။
ကဲ … အချိန်လဲ အတော်လင့်ပြီ ။ အိပ့်ကြစို့ဟေ့ ။
ထို့အခါ မျက်လုံးမှိတ်လိုက်သည်ရှိသော် တစ်စက္ကန့်မခြားပင် နိုးထလာလေတော့သည် ။ ညက စကားကောင်းနေခဲ့သောကြောင့် အိပ့်ယာဝင် နောက်ကျလျက် ယခုမှနိုးသော် နေရောင်ပင် ထွက်လုနေပြီဖြစ်၏ ။ ထိုအခါ ကျမ်းတွင် အိပ့်နေသောသူငယ်ကို လှမ်းကြည့်မိလေသည် ။ အရင်နိုးဟန်တူသည် ။ နေရာတွင်မရှိတော့ပဲ စောင်တွေခေါင်းအုန်းတွေမှာ သူနေရာနှင့် သူပင် ပြန်လည်ရောက်ရှိနေပေပြီ ။
ထို့နောက် မျက်နှာသစ်ရန် အောက်ဘက်သို့ ဆင်းလာခဲ့သည် ။ ရေချိုးခန်းသုံးပြီးထွက်လာသော ညစောင့်ဦးလေးကြီးအားတွေ့၍ စကားအနည်းငယ်ပြောကာ ညကအိပ့်တဲ့ကောင်လေး ဘယ်အချိန်ပြန်သွားကြောင်း မေးလိုက်လေသည် ။ ထိုအခါ !
" သြော် …… တူကြီးနဲ့အတူ ညက အလုပ်လုပ်တဲ့ကောင်လေးလား ။ သူညက တူကြီးနဲ့အလုပ်လုပ်လို့တောင်မပြီးသေးဘူး အိမ်က ဖုန်းဆက်လို့ဆိုပြီး ပြန်သွားတယ်လေ ။ ပြန်တဲ့အကြောင်းကို ဦးကိုပြောခိုင်းလိုက်တာ အခုမှသတိရတယ် ။ တူကြီးကိုပြောဖို့ မေ့သွားတယ်တူကြီးရယ် ။ ဒါနဲ့ သူပြန်ပြီး သိပ့်မကြာဘူးထင်တယ် ။ တူကြီးစတိုခန်းထဲ ဝင်အိပ့်တာပဲမဟုတ်လား " တဲ့ ။
ဟာ ! အံ့သြစရာပါလား ။ ဤသို့ဆိုလျှင် ကျွန်တော်နဲ့ ညကအတူ စကားပြောခဲ့သူမှာ မည်သူနည်း ။ ကျွန်တော်၏ အတွေးတို့ လွန်နေခြင်းကြောင့် ကိုယ့်အမေးကို ကိုယ်ပြန်ဖြေခဲ့ခြင်းလား ။ ဤသို့ အတွေးမလွန်ပဲရှိပါက ကျွန်တော် တစ္ဆေခြောက်ခံရတယ်လို့ ပြောမိပေအုန်းမည် ။သို့သော် ……… အခုတွင်တော့ ပြုံးရုံကလွှဲ၍ အဘယ်အရာကိုမှ ရည်ညွှန်းဖေါ်ပြလိုစိတ်မရှိတော့ပေ ။
#htoohtoolay
No comments:
Post a Comment